مراحل امتحان الشفوي لولوج صفوف الدرك الملكي لسنة 2022
اجتياز عدة إختبارات لولوج صفوف الدرك الملكي
يمر المترشح لولوج صفوف الدرك الملكي بعدة اختبارات لولوج هذا المجال العسكري بيما فيها الإختبارات الكتابية و الشفوية و النفسية و الرياضية، من إنتقاء المترشيحن المتوفرين على الشروط اللازمة توفرها على المترشح.
اليوم الاول من أختبارات لولوج صفوف الدرك الملكي
على المترشحين التواجد بجانب مدرسة الدرك الملكي فالساعة السابعة صباحا،بعني لي بعاد من الاحسن يباتو ليلة قبل فمحيط بلاصة لي غايدوزو فيها..
بعد الدخول للمدرسة، كايتسلموا من المترشحين الاستدعاءات و كل واحد كايعقل على الرقم التسلسلي ديالو لي كان فالاستدعاء..
الخطوة الأولى هي الاختبار الرياضي :
اي حاجة من لي دكرنا راه غاتقصيك..
– من بعد هاد الخطوة كايتجمعو المترشحين و يدخلو للمدرسة و يتم تقسيمهم على شكل مجموعات حسب الرقم التسلسلي،و كاياخدو منكم الملفات لي فيها الوثائق لي طلبو ليكم فالاستدعاء..
الخطوة الثانية الفحص الطبي :
– تحليل البول : كاتدخلو 5 مترشحين من اجل تحليل البول،الى طلعو النتائج بخمسة مافيهم حتى مشكل كادوزو للمرحلة المقبلة،كان شي واحد فيه مشكل كايعاودو هاد العناصر بخمسة تحليل البول لكن بالواحد يعني كل واحد يقدم العينة ديالو ماشي يتجمعو الانابيب كاملين..
– الفحص :
كايراقب الطبيب من جديد الطول و الوزن،العظام( لي مهرس من قبل يقد يتسببلو فالرفض)،القدم من الاسفل واش مسطحة(هاد المشكل يسبب الرفض) ، العلامات بالجسم (اثار الضربات او عمليات جراحية كايسولوك على المصدر ديالها،فحالة كانت عملية جراحية غايطلبو منك شهادة طبية عليها) و كذا مراقبة المناطق الحساسة..
– طبيب البصر : كايعبر البصر و كايشوف مشكل الدلتونية (عمى الالوان) و كاتشوف اشكال بالوان وجب عليك اما ذكر الارقام او تتبع مسار لون او ما الى ذلك..
– طبيب الاسنان : المترشح خاص الفم يكون عندو سليم يعني مايكونش مرض فاللثة و ماخاصش يكون فاقد عدد كبير من الاسنان و الاضراس،اما لي دايرين تقويم الاسنان كايتخطى هاد المرحلة بسهولة و حتى لي مركب سن او ضرس مافيهش مشكل..
كل هذه الاختبارات كاتشد اليوم كامل لان العدد ديال المترشحين كثير..
فنهاية اليوم كايتقسمو المجموعات على العنابر،كل مجموعة فيها من 20 ل 30 شخص، و بطبيعة الحال العشاء و المبيت بالمدرسة.
اليوم الثاني من مراحل اجتياز الإختبارات لولوج صفوف الدرك الملكي
كايفيقو المترشحون على الساعة الخامسة صباحا، كايتجمعو و ياخدو وجبة لفطور حوالي الساعة السادسة،بعد وجبة الفطور تحية العلم..
كايتفرقو المجموعات لي ذكرنا فالمنشور السابق على القاعات حسب الارقام التسلسلية من اجل الاختبار النفسي.
هاد الاختبار كايتم طول اليوم،كايبدى مع 8 صباحا،و كاياخد المترشحون فترة استراحة من 12 الى الثانية زوالا و هاد الفترة فيها وجبة الغداء،و يتم استئناف الامتحان من الثانية زوالا حتى السادسة،ثم استراحة العشاء من السادسة حتى الثامنة ليلا،و العودة للامتحان من الثامنة حتى التاسعة او العاشرة ليلا على حسب الظروف،بعدها الخلود للنوم..
كيفية اجراء الامتحان النفسي :
هاد الاختبار كايكون على شكل مطبوعات،كل مطبوع فيه اختبار مختلف عن المطبوعات الاخرى،و المدة الزمنية لكل مطبوع هي 30 دقيقة..كاين مطبوعات فيها اسئلة و كاين لي فيه ارقام و العديد العديد..
• امثلة :
+ مثلا مطبوع صحيح و خطأ : الاسئلة لي كاتجاوب عليه بصح او غلط،هاد المطبوع ماشي المهم كلشي يكون صحيح لكن المهم ماتكذبش،فمثلا غاتلقى سؤال هل انت عصبي المزاج،ماتقولش راه مايبغيوش لي كايتعصب و دير لا،لانه فنفس المطبوع غاتلقى اسئلة بنفس المعنى لكن بصياغة اخرى،مثلا هل انت هادئ الشخصية،فالمصحح راه ماشي كايشوف سؤال بسؤال لكن كايتحط واحد الورقة مرئية فيها علامات خاص تجي منطابقة مع اجوبتك و لي كايكي خارجين 3 او اكثر ديال الاجوبة على هاد الورقة كايترفض..و من الاحسن تجاوب على اكبر عدد..
+ مطبوع العمليات الحسابية : هي عمليات بسيطة لكن خاصك تجاوب على اكبر عدد،و ماشي غير بسيطة غاتقول صافي دغيا ندوز لكن خاصك تركز لان الاجابات خاصها تكون صحيحة..
+ مطبوع المئة سؤال : جاوب على اكبر عدد ولكن اجوبة صحيحة
+ مطبوع تطابق الارقام : كايعطيك واحد العدد كبير من الارقام مثلا بحال ارقام التعبئة،و خاصك تشوف الرقم المطابق لها فوسط العديد من السلسلات،او كايعطيك رقم طوييل و تفرقو لمجموعات..
+ مطبوع الاشكال : هاد المطبوع فيه اشكال عديدة،كايطلبو منك تجبد الشكل المطلبق لواحد من دوك الاشكال
+ مطبوع تحليل الاشكال : كايعطيك اشكال ربما تبان عشوائية لكن خاصك تحللها او بمعنى اصح اش كايبانليك فكل شكل،او تكون صور ملونة تحللها او صور بالابيض و الاسود حتى هي تحللها وتشرح اش كايبان ليك..
+ مطبوع الرسم : غالبا كايقولك رسم شجرة،و من بعد كايقولك حلل اش رسمتي،نصيحة من الاحسن رسمو الشجرة كاملة بجدورها بتفاحها،باش مايلقاوش شي هفوة،و الى سولك لاش رسمتيها بالجدور قول نظرة شمولية للشجرة ما ضهر منها وما بطن..
+ تحرير موضوعين بالفرنسية و العربية: كل موضوع المدة ديالو 30 دقيقة،ماكايكونش طويل لكن وجب تحديد المنهجية،سلامة اللغة،قلة الاخطاء الاملائية و اللغوية،عدم الخروج على الموضوع و كذا تناسق الافكار،و مانساوش نظافة الورقة..
هذه مجرد امثلة لي قدرت نكتب،ربما يطرحو مطبوعات اخرى لذا وجب التركيز.
ملحوظة : تراتبية الاختبارات تتغير من موسم لآخر،هاد الامور لي نشرنا لاحد المواسم.
— المصدر :أثير الدرك الملكي Atheer GR
— للإستفسار و طرح أسئلتكم تواصلوا معانا : (هنا)